෴රෝස සුවඳ පිටුවක.....෴

රෝස සුවඳ පිටුවක ආදරේ නොලිව්වත්
තාමත් පණ වගේ නුඹට ආදරෙයි මමත්
නෙතින් ගලා බොඳවී යන සුවඳ කදුලකත්
මම දකින්නේ ඔබේ රුවයි මට උරුම නැතත්

නිදි නැති රෑ ඉගි කරනා හීන මල් පැතුම්
මගේ ලොවට අරන් ආවේ දුක් කදුලු සුසුම්
සුවඳ පිරුනු ආදරයේ මතක පෙමි කුසුම්
හෙටත් ඔබට කියාදේවී ආදරේ උතුම්

රෝස සුවඳ......

ආදරයේ හීන වලට හුරුවු දෑසයි
ඒ දෑසට කදුලු දුන්නේ ඔබේ ඔය නෙතයි
දුකක් වුනත් මං පතන්නෙ ඔබෙම සෙනෙහසයි
මංහිතන්නෙ ඔබ තාමත් මගේම විතරයි....

රෝස සුවඳ......

ආදරෙ තරම් කියාගන්න බැරි වු නිසා

ආදරෙ තරම් කියාගන්න බැරි වු නිසා
ජිවිතෙ පැතුම් රහසෙම වියැලි ගියා...
රහසෙම කව්දො ඉක්මන් වෙලා 
හඩවාලා මගෙ දැස ඔබ ගෙන ගියා...

දැන උන්න නම් ආදරෙ ඔබ යන්නෙ නෑ මා දමා...


දහසක් පැතුම් මහදේ සිර කොට තබා
මා පෙම් කළේ සිතින් සුසුමන් දරා....
මා තුරුලේ ඔබ උන්නා හීනෙන් පවා
ඇයි ඉන්නෙ හොර රහසේ මා රිදවලා......

දැන උන්න නම් ආදරෙ ඔබ යන්නෙ නෑ මා දමා...

දෙනුවන් අගට රහසෙ කදුලැල් උනා
ඔබ ගැනම රෑ තිස්සෙ සිහිපත් කලා...
මා පෙම්කල බව තාම නොදනියි ඔයා
අදටත් සිතින් මා ඔබෙ පෙම්වතා...